نئی دہلی،31/ دسمبر (ایس او نیوز/آئی این ایس انڈیا) پیر کی صبح قومی دارالحکومت اور آس پاس کے علاقے شدید کہرے کی گرفت میں رہے جہاں کم از کم درجہ حرارت 2.6 ڈگری سیلسیس ریکارڈ کیا گیا اور کم کی نمائش کی وجہ سے ٹرین اور ہوائی جہاز کی خدمات متاثر رہنے سے ہزاروں لوگ پھنسے رہے، کچھ جگہوں پر نمائش نہیں کے برابر درج کی گئی-صورت حال کو اور بدتر بناتے ہوئے شہر میں آلودگی کی سطح بھی زیادہ رہی اور صبح نو بج کر 38 منٹ پر ہوا کے معیار انڈیکس (اے کیوآئی) 448 درج کیا گیا،گھنے دھند کے سبب اترپردیش کے گریٹر نوئیڈا میں ایک کار حادثے میں دو بچوں سمیت چھ افراد کی موت ہو گئی-پولیس نے بتایا کہ نمائش انتہائی کم ہونے کی وجہ سے یہ کار سڑک سے پھسل کر ایک نہر میں جا گری،ارنٹگا گاڑی میں سفر کر رہے 11 افراد سنبھل سے دہلی آ رہے تھے جب راستے میں یہ حادثہ ہوا-پولیس کے ایک ترجمان نے بتایاکہ کار دھنکور علاقے کی کھیرلی نہر میں گر گئی،تمام 11 لوگوں کو ہسپتال لے جایا گیا جہاں ان میں سے چھ افراد کو ڈاکٹروں نے مردہ قرار دے دیا جبکہ پانچ دیگر کا علاج چل رہا ہے- ایک افسر نے بتایا کہ شدید دھند کی وجہ سے دہلی ہوائی اڈے سے کم از کم 16 پروازوں کا راستہ تبدیل کیا گیا اور چار پروازیں منسوخ کر دی گئیں،ہوائی اڈے پر طیاروں کا آپریشنل سیریز تھری بی حالات کے تحت کیا جا رہا ہے جس کا مطلب ہے رن وے اور تصویری رینج (ارویار) 50 میٹر سے 175 میٹر کے درمیان ہے،صبح 11 بج کر آٹھ منٹ پر ایک اپ ڈیٹ دیتے ہوئے افسر نے بتایا کہ 16 طیاروں کا اب تک راستہ تبدیل کیا جا چکا ہے اور چار پروازوں کو منسوخ کر دیا گیا ہے-انڈگو ایئرلائنس نے ایک بیان میں کہاکہ شمالی ہند میں گھنے دھند کو دیکھتے ہوئے ہندوستان بھر میں ہماری پروازیں متاثر ہوئی ہیں،ہم صورت حال کا جائزہ لیتے رہیں گے اور ہمارے سوشیل فورم پر وقتاًفوقتاً اپ ڈیٹ کرتے رہیں گے-ایئر لائن نے مسافروں سے گھر سے روانہ ہونے سے پہلے پرواز کااسٹیٹس دیکھ لینے اور کسٹمر سروس سینٹر سے رابطہ کرنے پر بھی زور دیا ہے،دھند کی وجہ سے ٹرین مسافر بھی متاثر رہے-ان میں سے کچھ کے لئے چھٹیاں خراب ہو گئیں تو کچھ کا انتہائی ضروری سفر متاثر ہو گیا-ریلوے کے ایک افسر کے مطابق 30 ٹرینیں تاخیر سے چل رہی ہیں اور یہ تاخیر دو سے ساڑھے سات گھنٹے کے درمیان ہے-دہلی- بھونیشور راجدھانی ساڑھے سات گھنٹے کی تاخیر سے چل رہی ہے،کچھ لوگ روز کی طرح دفتر گئے تو کئی نے گھر پر ہی رہنے کا فیصلہ کیا، صفدر جنگ ویدشالا میں کم از کم درجہ حرارت 2.6 ڈگری سیلسیس ریکارڈ کیا گیا جو اس موسم کے اوسط سے چار ڈگری کم ہے اور ہوا میں نمی کی سطح 100 فیصد ریکارڈ کیا گیا-پالم میں یہ تھوڑا سا بہتر تھا جہاں کم از کم درجہ حرارت 2.9 ڈگری سیلسیس ریکارڈ کیا گیا-جبکہ لودھی روڈ (2.2 ° C) اور ایانگر (2.5 ° C) ویدشالا میں اور سردی ریکارڈ کی گئی-

صفدر جنگ اور پالم ویدشالاوں میں صبح ساڑھے8 بجے نمائش صفر میٹر ریکارڈ کی گئی-وہیں صبح ساڑھے پانچ بجے صفدر جنگ میں نمائش 100 میٹر اور پالم میں صفر میٹر ریکارڈ کیا گیا تھا-انتہائی سرد، مزید نمی اور ہوا کی رفتار کم ہونے سے آلودہ عناصر جمع ہو گیا ہے جس سے قومی دارالحکومت کی ہوا کا معیار اور خراب ہو گیا ہے-دہلی کے علاوہ غازی آباد (439)، فرید آباد (465)، نوئیڈا (471) اور گریٹر نوئیڈا (448) میں بھی اے کیوآئی سنگین زمرہ میں تھا،گڑگاؤں 344 اے کیوآئی کے ساتھ تھوڑا سا بہتر تھا-